પ્રવાસ દરમિયાન શિક્ષકોની સારસંભાળ જોઈ એક દીકરીની પ્રવાસથી ઘરે આવીને પપ્પાને વર્ણેલી લાગણીસભર વાત.

પ્રવાસ દરમિયાન શિક્ષકોની સારસંભાળ જોઈ એક દીકરીની પ્રવાસથી ઘરે આવીને પપ્પાને વર્ણેલી લાગણીસભર વાત...

*પપ્પા અમારા સર તો બહું સારા છે! *

જે હાથમાં સોટી મારી , મોટા મોટા ડોળા કાઢી, પપ્પા અમને ખીજવતા !
એજ સર મને માથે હાથફેરવી બેટા ,બેટા કહેતા .
આજે મને ખબર પડી કે અમારા સર કેટલા પ્યારા છે,
પપ્પા, અમારા સર તો બહુ સારા છે!

આમ કરાય તેમ કરાય , આ ખવાય તે ખવાય,
વડીલોને આદર અપાય , સંસ્કારોની મોટી મોટી વાતો શીખવતા ,
પણ , અમે અમારા કાન આગળ ભીત બનાવી દેતાં ,
પણ, એ તો જરીકે અમારી ચીસ સાંભળી
દોડીને કાળજી લેતાં ,
આખા જગથી અમને તો અમારા સર વ્હાલા છે.
પપ્પા, અમારા સર બહુ પ્યારા છે !

જેમ તમે અમને રમાડો છો,
માથે હાથ દઈને જમાડો છો,
ઘડીક ન દેખાઉં તો ગળીએ ગળીએ શોધો છો ,
એમ અમારા સર, સદા અમારી ચિંતા કરનારા છે.
કોણે કહ્યું કે અમારા સર બહુ ખારાં છે!
પપ્પા , અમારા સર તો બહુ સારા છે!

- અંશ ખીમતવી