ખબર ન હતી મને ! ( તારી સાથેની છેલ્લી વાત ચીત કરતા )

એવી ખબર ન હતી કે આભ ફાટી પડશે,

અને વિરહનો વરસાદ વરસવા લાગશે

સદા ખળખળ વહેતુ પ્રેમનું ઝરણું બે ફાંટામાં 

ફેલાઈ જશે! 

હૈયાનું ફૂલ કરમાઈ જશે,

સદા ગમતી આ સાંજ ગમગીન થઈ પડશે

હસાવતી  તારી યાદો 

આંસુઓમાં ફેરવાઈ જશે,

ખબર ન હતી મને

કે 

તું હમેશા માટે તું દૂર થઈ જઈશ

આપણી પ્રેમની સાંકળ 

પળવારમાં તૂટી જશે !

સાચે જ ખબર ન હતી મને કે સપનામાં ઉગી જતી સવાર 

ઓશિકાને ભીંજવી દેશે,

એ દિવસ 

પ્રેમના તાંતણાનો  છેલ્લો દિવસ બની જશે,

સાચે જ 

પ્રિયે!

ખબર હોત તો 

આ ટેરવું બે મિનિટ માટે અટકી ગયું હોત !!

- અંશ ખીમતવી