ગઝલ

ચાહવાનું છોડી દીધું શું કરું ?

દાઝવાનું છોડી દીધું શું કરું ?

કોણ છું ' હું ' એ જાણી લીધા પછી,

જાણવાનું છોડી દીધું, શું કરું ?

એક વખત નિષ્ફળતા તે શું સાંપડી,

વાવવાનું છોડી દીધું ,શું કરું ?

સાંભળ્યું છે ,ગાજે ,વરસે ના કદી,  

ગાજવાનું છોડી દીધું, શું કરું ? 

જાણ્યું કે ,શાંતિ મળે છે ઘર મહીં

દોડવાનું છોડી દીધું ,શું કરું ! 

 

- અંશ ખીમતવી..

રાત કેવી જાય છે કોને ખબર ?
આંસુઓ વેરાય છે કોને ખબર?

મોત મારુ સાવ નિકટ બેઠું છે ,
જીવડો હરખાય છે કોને ખબર?

રોટલો આજે ય ખાવાને નથી ,
કેમ રે જીવાય છે કોને ખબર ?

રોજ તારે કાજ લખતો હું ગઝલ ,
શું હોઠે વંચાય છે કોને ખબર ?

આગ લાગી છે હદયમાં પ્યાસની,
ધડકનો સૂકાય છે કોને ખબર ?

- અંશ ખીમતવી