બચ્ચાનું ગીત /
મમ્મી મારે ઉડવું છે માળાથી બહારે
ક્યારે ફૂટશે બે નાનકડી પાંખો મારે ?
મમ્મી મારે ઉડવું છે માળાથી બહારે....
બારી માંથી જરીક ડોક કાઢું હું બારે
દૂર દૂર દેખાય છેક પહોંચે ના આંખો મારે
ક્યારે આભને બાથ ભરીશ એ વિચારે
મમ્મી મારે ઉડવું છે માળાથી બહારે....
આખું ઘર માથે લીધું વાગે નગારું મારુ
મમ્મીએ વ્હાલનો હાથ ફેરવી કહ્યું કંઈક વિચારું !
બચ્ચું પણ ક્યાં માને , છેક આવ્યું હવે ધારે !
મમ્મી મારે ઉડવું છે માળાથી બહારે
ક્યારે ફૂટશે બે નાનકડી પાંખો મારે ?
મમ્મી મારે ઉડવું છે માળાથી બહારે....
- અંશ ખીમતવી
No comments:
Post a Comment