અરે બેઠો થા જે થાય એ ખરું
જિંદગી છે આ તો હરાય એ ખરું
લૂછી નાખ આંસુઓ બધા ડરનાં
ડગલા ભર્યા તે , પાછા વળનાં
જિંદગી ના ખેલ રમવા થા શરૂ
અરે બેઠો થા જે થાય એ ખરું
દિવેલ પીધા જેવુ મો કર નહિ
અરે મોત આવે પાછું કર નહિ
શિખરો ઓળંગવા કર શરુ
અરે બેઠો થા જે થાય એ ખરું
ઇતિહાસમાં નથી તો શું થયું
ઇતિહાસ રચી કર તું નવું
શક્તિ છે ભક્તિ સાંભળ ખરુ
અરે બેઠો થા જે થાય એ ખરું
દિવસો બધા સરખા નથી હોતા
રોજ આંખમાં આંસુ નથી હોતા
કર હામ જિંદગી ને માત દે ભેરુ
અરે બેઠો થા જે થાય એ ખરું .....
અંશ ખીંમતવી
No comments:
Post a Comment